Blog

ඔයා ක්ලච් එක පාගනකොට හිතල තියෙනවද ඔයාගේ වාහනයේ ඇතුලේ මොකක්ද වෙන්නේ කියල ? එහෙමත් නැතිනම් ඔයා හිතල තියෙනවද ඇයි ක්ලච් එක පාගන්න ඕන හැමතිස්සෙම ගියර් එක දාන්න කලින් කියල? ඉතිං ඒනිසාම විශේෂයෙන්ම යුරෝපියන් වාහනයක් පාවිච්චි කරන ඔයාට ක්ලච් එක දැන ගන්න ඕනි දේවල් මොනවද කියල අද අපි මේ ලිපියෙන් කතා කරන්න සූදානම්.

ඔයා දැනටමත් දන්නවා ඇති පිස්ටන් ඉහල පහල යනකොට ක්‍රෑන්ක් ෂාෆ්ට් එක කැරකෙනව කියල. එතකොට ඔන්න ඔය කැරකෙන ක්‍රෑන්ක් ෂාෆ්ට් එක තමයි රෝද වලට සම්බන්ධ වෙන්නේ. හැබැයි  ක්රෑන්ක් ෂාෆ්ට් එක රෝද වලට කෙලින්ම සම්බන්ධ වෙන්නේ නැහැ. එකට හේතුව තමයි අභ්‍යන්තර දහන එන්ජිමකින් ඉතා ලොකු බලයක් සහිතව යමක් කරකවන්න බැයි වීමයි ඒ නිසා තමයි ගියර් පද්ධතියක් එකතු කරල තියෙන්නේ.

සාමාන්‍යයෙන් ගියර් තියෙන බයිසිකලයක ගියර්වීල් එක අරයෙන් අඩු වීල් එකකට දානකොට අඩු බලයක් දීල වැඩි රවුම් ප්‍රමාණයක් කරකවන්න ඕන. හැබැයි ඒ ටිකම කරන්න පුළුවන් ඒ කිව්ව ගියර් වීල් එකට වඩා ලොකු අරයක් තියෙන ගියර් වීල් එකකට දාලාත්.ඒත් ඔයාට මෙහිදී වැඩි බලයක් දෙන්න වෙනවා. නමුත් අඩු රවුම් ප්‍රමාණයක් තමයි කරකවන්න ඕන. ඔන්න ඔය දේම තමයි ක්‍රෑන්ක් ෂාෆ්ට් එකටත් වෙන්නෙත්. ක්‍රෑන්ක් ෂාෆ්ට් එකට කරකවන්න පුළුවන් උපරිම බලයක් තියෙනවා. ඊට වඩා කරකවන්න එකට බැහැ. ඉතින් ගියර් පද්ධතියෙන් කරන්නේ ඒ වෙලාවට අරය අඩු ගියර් වීල් එකක් රෝද සහ ක්‍රෑන්ක් ෂාෆ්ට් එක අතරට දාල අඩු බලයකින් වැඩි රවුම් ප්‍රමාණයක් කරකවන්න සැලැස්වීමයි කන්දක් අදිනකොට වෙන්නේ ඔහොමයි. ඒ නිසා තමයි අපි කන්දක් අදිනකොට ෆස්ට් එකට හරි සෙකන්ඩ් එකට හරි මාරු කරන්නේ. තැනිතලාවක උපරිම වේගයකින් යන්න ඕන වෙනකොට උඩ ගියර් වලට යන්නේ. එතකොට මේ first හරි second හරි ගියර් වල ක්‍රෑන්ක් ෂාෆ්ට් එකයි රෝදයි අතර තියෙන ගියර් වීල් එක තර්ඩ් ෆෝර්ත් එහෙමත් නැතිනම් ඊටත් වඩා උඩ ගියර් වල වීල් එකකට වඩා අරයෙන් අඩුයි.

මේ දවස් වල ගොඩක්ම කතා බහට ලක්වෙන දෙයක් තමයි Bio Diesel කියන්නෙ. ඒ වගේම සමහර අය මේ වෙනකොට Bio Diesel හදල වාහන පදින්න උත්සහ කරනව. එහෙනම් අද අපි මේ ලිපියෙන් කතා කරමු Bio Diesel හදන හැටි වගේම ඒවා පාවිච්චි කරන්නෙ කොහොමද කියල. ඉතිං එතකොට ඔයාට පුලුවන් හරි දැනුමක් අරගෙන මේ කියන Bio Diesel පාවිච්චි කරන්න.

අපි පාවිච්චි කරන සාමාන්‍ය ඩීසල් වලට කියන්නෙ පෙට්‍රෝලියම් ඩීසල් කියල. මේ වෙනකොට අපි දන්නව ලංකාවෙ ලොකුම ලොකු තෙල් ප්‍රශ්නයක් තියෙනව. මේ තෙල් ප්‍රශ්නෙත් එක්ක ගොඩක් අය යොමුවුන දෙයක් තමයි Bio Diesel. නමුත් ලෝකයේම ගත්තහම තාමත් ජනප්‍රිය තෙල් වර්ගය වෙන්නෙ පෙට්‍රල්,ඩීසල්,භූමිතෙල්. ඒ මොකද කිව්වොත් හරිම ලේසියෙන් අපිට මේව මිලදී ගන්න පුලුවන්. ඕනි තරම් ගන්න තියෙනව. ඒ වගේම මිලත් අඩුයි. මම මේ කියන්නෙ තෙල් පෝලිම් එන්න කලින් කාලෙ ගැන.ලෝකයේ බොරතෙල් හදල විකුණන රටවල් කීපයයි තියෙන්නෙ. ඒ නිසා ලංකාව වගේ රටවලට සිද්දවෙනව තෙල් විකුණන රටවල් මත යැපිල තෙල් මිලට ගන්න. පරීක්ෂණ කරන අය හොයාගෙන තියෙන විදහට නම් දැනට හොයාගෙන තියෙන තෙල් නිධි වලින් තෙල් අරගන්න පුලුවන් තවත් අවුරුදු 50ක වගේ කාලයක් විතරයි. ඒ කියන්නෙ බොරතෙල් එහෙම නැත්නම් පොසිල ඉන්ධන පුනර්ජනනය වෙන්නෙ නැහැ. දැනට ස්වභාවිකව පිහිටල තියෙන තෙල් නිධි ටික ඉවර උනහම පෙට්‍රල්,ඩීසල්,භූමිතෙල් කියන මේ තෙල් වර්ග ලෝකයෙන් නැත්තටම නැතිවෙලා යනව.

Bio Diesel කියන්නෙ ලෝකෙට අලුත් දෙයක් නෙවෙයි මේ සොයාගැනීම දැනට අවුරුදු 100කටත් වඩා පරණයි. අද වෙනකොට ගොඩක් පරීක්ෂණ කරල ලෝකයේ කාර්මිකව පාවිච්චි කරන දෙයක් තමයි මේ Bio Diesel. Bio Diesel වල තියෙන වැදගත්ම දේ තමයි අපිට මේක සාමාන්‍ය ඩීසල් එන්ජිමට පාවිච්චි කරන්න පුලුවන්. (ඒ කොහොමද කියල අපි මේ ලිපියෙ අවසාන කොටසින් කතා කරමු) ඒ වගේම Bio Diesel හදන ක්‍රමය එතරම් සංකීර්ණ නෑ. ගෙදර-දොර පාවිච්චි කරල අයින් කරන තෙල් උනත් මේකට යොදා ගන්න පුලුවන්. නමුත් මේ Bio Diesel නිෂ්පාදනයට ශාක තෙල් යොදාගන්න නිසා කෘෂිකර්මාන්තයට සහ ආහර ක්ෂේත්‍ර වලට බලපෑම් වෙලා තියෙනව.

හොදයි එහෙනම් අපි බලමු කොහොමද මේ කියන විදිහට Bio Diesel හදන්නෙ කියල. Bio Diesel හදන්න මුලින්ම අපිට ඕනිවෙනව මොකක් හරි තෙල් වර්ගයක්. ඒ කියන්නෙ මොනම වර්ගයක ශාක තෙල් වර්ගයක් පාවිච්චි කරන්න පුලුවන්. නැතිනම් අපේ ගෙවල් වලින් නිතරම අයින් කරන දෙයක් තමයි, බැදල අයින් කරන තෙල්. මේ විදිහට බැදල අයින් කරන පොල්තෙල් වලිනුත් අපිට Bio Diesel හදාගන්න පුලුවන්. බැදල අයින් කරපු තෙල් ගන්නවනම් මුලින්ම ඒ ටික හොදට පෙරා ගන්න ඕනි. මොකද නැත්නම් මේ වගේ ආහාර කොටස් තැන්පත් වෙලා තියෙන්න පුලුවන්. ඒ නිසා පෙරහන් කඩදාසි වගේ දේකින් බැදපු තෙල් ටික පෙරා ගන්න. ඒ වගේම Bio Diesel හදන්න ඕනිකරන අනිත් දේ තමයි කෝස්ටික් සෝඩා. මේ කෝස්ටික් සෝඩා වගේ දේවල් එක්ක වැඩ කරන කොට ප්‍රවේසම් වෙන්න ඕනි ගොඩක්. නැත්නම් මේ රසායනික ද්‍රව්‍ය අපේ ඇගේ ගෑවිලා අනතුරක් වෙන්න තියෙන ඉඩකඩ වැඩියි. මේකට ඕනිකරන අනිත් දේ තමයි මෙතනෝල්. මෙතනෝල් කියනදේ ඔබ මීට කලින් අහල ඇතිනෙ.  Bio Diesel හදන්න ගන්න ඕනිකරන දේවල් ගන්න ප්‍රමානයක් තියෙනව. ඒ අවශ්‍ය අනුපාතයට පාවිච්චි කළේ නැත්නම් මේ ප්‍රතික්‍රියාව වරදින්න පුලුවන්. අපි දැන් හරි ප්‍රමාණයට ගත්ත මෙතනෝල් වලට කෝස්ටික් ටික දාලා කලවම් කරන්න කර ගන්න ඕනි. මේ වර්ග 02 හරියට කලවම් වෙන්න නම් මේ භාජනය රත් කරන ගමන් කලවම් කරන්න ඕනි. නියමිත ගානට කලවම් කරල ඉවර වෙලා මුලින්ම පෙරල තියාගත්ත පොල්තෙල් ටික අවසානෙට එකතු කරන්න ඕනි. තවත් හොදට මේ ඔක්කොම ටික කලවම් කරගෙන තියාගත්තට පස්සෙ අපිට දකින්න ලැබෙනව Bio Diesel හැදිල තියෙනව.

ප්‍රතික්‍රියාව සිද්දවෙලා අවසානෙට Bio Diesel වලට අමතරව හැදෙන තව දෙයක් තියෙනව. මේකට කියන්නෙ ග්ලිසරෝල් කියල. මේ ග්ලිසරෝල් ලේසියෙන්ම අයින්කරගන්න පුලුවන්. මොකද ඒක Bio Diesel වලට යටින් අඩියෙ තැන්පත් වෙලා තියෙන්නෙ නිසා. එහෙම නම් අන්තිම පියවර විදිහට ඔබට බලාගන්න පුලුවන් Bio Diesel හැදිල තියෙනව.

මේ විදිහට හදාගන්න  Bio Diesel පාවිච්චි කරන්න ගන්න නම් ඒවා පෙට්‍රෝලියම් ඩීසල් එක්ක කලවම් කරන්න ඕනි. එහෙම පෙට්‍රෝලියම් ඩීසල් වලට කලවම් නොකරපු 100%ක් ම Bio Diesel පමණක් නම් එම Bio Diesal , B100 කියල සංකේතවත් කරනව. Bio Diesal 20% ක් එක්ක පෙට්‍රෝලියම් ඩීසල් 80% ක් කළවම් කරල තියෙනව නම් ඒ Bio Diesel , B20 කියල සංකේතවත් කරනව. දැනට අපිට තියෙන ඩීසල් ප්‍රශ්නෙට විසදුමක් විදිහට Bio Diesel හැදුවත් ඒක පාවිච්චි කරන එක නම් භයානකයි. ලොකුම ප්‍රශ්නෙ තමයි අපි රසායනික ප්‍රතික්‍රියා කරල හදාගත්ත Bio Diesel වල ප්‍රමිතිය ගැන කොහොමද විශ්වාස කරන්නෙ. ඒ ලැබෙන Bio Diesel හරිම Bio Diesel ද කියල දන්නෙ නැතුව කොහොමද අපි පාවිච්චි කරන්නෙ. ඒ වගේම අපිට Bio Diesel හදල කාටවත් විකුණන්න බෑ. විකුණනව නම් නීතියෙන් අවසරයක් ගන්න ඕනි.

පෙට්‍රෝලියම් ඩීසල් එක්ක Bio Diesel සසදනකොට දේවල් කීපයක් කියන්න පුලුවන්. Bio Diesel වලින් ලැබෙන ශක්තිය පෙට්‍රෝලියම් ඩීසල් වලින් ලැබෙන ශක්තියට වඩා 10%කින් විතර අඩුයි. ඒ නිසා නිෂ්පාදනය වන ශක්තිය සුලු ප්‍රමාණයක් අඩු නිසා Bio Diesel වල වැය වීමත් සුලු ප්‍රමාණයක් වැඩියි. දැන් වෙනකොට Bio Diesel නිෂ්පාදනයට මතුවෙලා තියෙන ගැටලු ගොඩක් අඩු කරගෙනයි තියෙන්නේ. ඒ නිසා වැඩි ඵලදායීතාවකින් සහ උපරිම කාර්‍යක්ෂමතාවකින් බලශක්ති අවශ්‍යතාවට ලබාදෙන්නට මේ කියන Bio Diesel වලට පුලුවන් වෙලා තියෙනව. අමුද්‍රව්‍ය විදිහට ශාක තෙල් යොදා ගන්න නිසාත් ආහාර ප්‍රශ්නයක් ඇති නොවෙන විදිහට විලෝපීය ශාක වගේ දේවලුත් මේ වෙනකොට යොදාගෙන තිබෙනව.

බොහෝ තරුණ පිරිස් දැන් වෙනකොට Bio Diesel හදන්න අත්හදා බැලීම් එහෙමත් නැත්නම් ඒ වෙනුවෙන් පරීක්ෂණ කරනව. සමහරු හරි දැනුමක් නැතුවත් මේ දේවල් කරනව. ඒ නිසා මේක බොහොම භයානක සහ අනතුරුදායක වෙන්න පුලුවන්. ඉතිං ඔබ Bio Diesel හදන්න යොමුවෙනව නම් ඒකට නිසි ආයතනයකින් දැනුම ලබා ගන්න. නොදැනුවත්කමින්  Bio Diesel හදල වාහනයට දාල නිකම් අමාරුවෙ වැටෙන්න එපා. ඒ වගේම අපේ මීලග ලිපියෙන් අපි කතා කරමු  Bio Diesel වාහනයට දැම්මම මොකද වෙන්නෙ කියල.

වාහන අයිතිකරුවෙක් වගේම රියදුරෙක් හැටියටත් අනිවාරෙන්ම දැනගන්න ඕනි දෙයක් තමයි වාහනයෙ service එක කියන්නෙ. වාහනය පදිනකොට විවිධ කොටස් ගෙවීම සිද්ධවෙන නිසා සමහර දේවල් අලුතෙන් මාරු කරන්න ඕනි. නැත්නම් එජස්ට් කරන්න ඕනි සහ check කරන්න ඕනි. ඒ වගේම තවත් දේවල් clean කරන්න ඕනි. ඒ නිසා වාහනය හොද ක්‍රියාකරී මට්ටමේ පවත්වා ගන්න නම් මේ කියපු දේවල් ටික හරියටම හරිම වෙලාවට සිදු කරන්න ඕනි. ඉතිං මේ වෙනකොට ඔයා මේ දේවල් ගැන හරි වැටහීමක් නැති වෙන්න පුලුවන්.  ඒනිසා අද අපි මේ ලිපියෙන් කතා කරමු  ඔයාගෙ වාහනයේ service එක හරියටම කරලද කියල බලන්නෙ කොහොමද කියල.

ඔයාගෙ වාහනයෙ service එක හරියටම කරලද කියල බලාගන්න වගේම ලෙඩක් නැතුව වාහනයක් පදින්නත් මෙන්න මේ දේවල් ගැන අවධානය යොමු කරන්න ඕනි. ඔයාලට පහසු වෙන්න මේ කරුණු ටික කොටස් 05 කට බෙදා ගනිමු.

01.වාහනයේ රෝද හතර ගලවා බ්‍රේක් පද්ධතිය පරික්ෂා කිරීම

• බ්‍රේක් පෑඩ්
• බ්‍රේක් ඩ්‍රම්
• බ්‍රේක් ඩිස්ක්
• සිලින්ඩරය

වාහනයෙ රෝද ගලවලා බ්‍රේක් පෑඩ් ගෙවිලද කියල පරික්ෂා කරන්න ඕනි. බ්‍රේක් කැලිපර් පින් හිරවෙලාද, බ්‍රේක් පිස්ටන් මලකඩ කාලද, සිලින්ඩර් වලින් ඔයිල් කාන්දු වෙනවද  වගේ දේවලුත් හොදින් බලන්න ඕනි. ඒ වගේම ඩිස්ක් බ්‍රේක් තියෙනව නම් ඒ ඩිස්ක් වල පිපිරීම හරි ඉරිතැලීම හරි තියෙයිද කියලත් වැඩි අවධානයක් දෙන්න ඕනි. ඔයා වාහනය පදිනකොට විටින් විට බ්‍රේක් වල ප්‍රශ්න මතු වෙලා තියෙනව නම් මේ වෙලාව තමයි මේක පරීක්ෂා කරන්න හොදම වෙලාව. බ්‍රේක් ඔයිල් අඩු වෙනව නම් අනිවාරෙන්ම බ්‍රේක් සිලින්ඩරයේ ප්‍රශ්නයක් තියෙන්න පුලුවන්. ඒ වගේම බොහෝ දුරට බ්‍රේක් වොෂර් ගෙවිල තියෙන්නත් පුලුවන්

02.ලිහිසි තෙල් පරීක්ෂාව.

• එන්ජින් ඔයිල්
• ගියර් බොක්ස් ඔයිල්
• බ්‍රේක් ඔයිල්
• පවර් ස්ටියරින් ඔයිල්
• ඩිෆරන්සල් ඔයිල්
• ක්ලච් ඔයිල්
• බැටරි වතුර
• රේඩියේටර් කූලන්ට්

වාහනයෙ එන්ජිම ක්‍රියා කරන කොට එන්ජිම ඇතුලෙ කොටස් ගෙවීම අඩු කරන්නට lubrication ඔයිල් පාවිච්චි කරනව. ඒ වගේම ජියර් බොක්ස් එකට. ස්ටියරින් පම්ප් වලටත් ඔයිල් පාවිච්ච් වෙනව. මේ නිසා නියම කරල තියෙන කාලය ඉවර වෙනකොට වාහනයට අපි දාල තියෙන ඔයිල් මාරු කරන්න ඕනි. එහෙම නැති උනොත් නම් වාහනයේ වටින කොටස් ගොඩකට හානි වෙලා එන්ජිම නම් හිර වෙන්න උනත් පුලුවන්. ඒ වගේම වාහන නිෂ්පාදකයා කියල තියෙන ඔයිල් වර්ගයම විතරක් ඔයාගෙ වාහනයට අලුතෙන් දාන්න. මතක තියාගන්න. එහෙම නැතුව සේවා ස්ථානයේ ඉන්න කෙනාට ඕනි ඔයිල් එකක් දාන්න ඉඩ තියන්න එපා. ඔයිල් වර්ග පරීක්ෂාවට අමතරව බැටරියේ වතුර මට්ටමත් පරීක්ෂා කරගන්න ඕනි. එහෙම නැති උනොත් බැටරිය පාවිච්චි කරන්න වෙන්නෙ ටික කාලයයි. ඉක්මනට මාරු කරන්න වෙනව. රේඩියේටර් කූලන්ට් කියන්නෙත් ස්‍ර්විස් එකේදී අනිවාරෙන්ම චෙක් කර ගන්න ඕනි දෙයක්. පරණ වාහන වල රේඩියේටරයට වතුර දාලා පාවිච්චි කළත් අලුත් වාහන වල නම් කූලන්ට් විතරයි පාවිච්චි වෙන්නෙ. කූලන්ට් මට්ටම අඩු වෙලා ගියොත් නම් එන්ජිම වැඩිපුර රත් වෙලා බොයිල් වෙන්නත් පුලුවන්.

3. ෆිල්ටර් පරික්ෂා කිරීම

• එයාර් ෆිල්ටරය
• කැබින් ෆිල්ටරය
• ඔයිල් ෆිල්ටරය

එන්ජින් ඔයිල් මාරු කිරීම් වගේම වාහනයක තියෙන ෆිල්ටර් පරික්ෂාවත් අනිවාරෙන්ම කරන්න ඕනි.වාහන නිෂ්පාදකයා සදහන් කරල තියෙන විදිහට නියමිත දුර ප්‍රමාණයට අදාල ෆිල්ටරය මාරු කරේ නැත්නම් ඒව බ්ලොක් වෙලා වාහනයෙ ක්‍රියාකාරීත්වය අඩු වෙන්න පුලුවන්. ඒ වගේම තෙල් පිච්චෙන එකත් වැඩි වෙනව. 

4. වාහනය ජැක් කර පරික්ෂා කළ යුතු දේවල්.

• ඔයිල් කාන්දු පරික්ෂාව
• ඇක්සල් බූට් කැඩී තිබේ දැයි පරික්ෂාව
• ස්ටියරින් රැක් එකෙහි බූට් කැඩී හෝ ඉරී තිබේ දැයි පරික්ෂාව
• ශොක්ඇබ්සෝබර් වලින් ඔයිල් කාන්දු තිබේ දැයි පරික්ෂාව
• සස්පෙන්ෂන් බුෂ්කැඩී ඇත්දැයි පරික්ෂාව
• වාහනයේ යටි කොටස පරීක්ෂාව

අපි වාහනයට දාන ඔයිල් වර්ග ලීක් නොවී පවත්වා ගැනීම ඉතාමත් අත්‍යාවශ්‍යයි.නැත්නම් අපි වාහනයට ඔයිල් කොච්චරක් දැම්මත් ඒවා ලීක් වෙලා අපතේ යනව. ඇත්තටම කිව්වොත් ඔයිල් කාන්දු වගේ දේවල් බලා ගන්න නම් වාහනය හෝදන්න කලින් පරික්ෂා කරන්න ඕනි. වාහනයේ තියෙන බූට් වර්ග කැඩිල ගිහින් තිබුණොත් එක්මනින් එවා හදාගන්න එක වටිනව. නැත්නම් බූට් ඇතුලෙ තියෙන ග්‍රීස් එලියට ඇවිත් ජොයින්ට් ඉක්මනට ගෙවිල යන්න පුලුවන්. ඒ වගේම වාහනය හේදීමෙන් අනතුරුව වාහන බොඩිය යටි පැත්ත හොදින් පරීක්ෂා කරගන්න පුලුවන්. ඒ නිසා වාහනය හොදින් සේදිලාද කියල බලන්න වගේම චැසියේ දිරුම් ඇත්නම් ඒවත් හොදින් පෙනෙනව.

5. OBD (සෙන්සර්) පරීක්ෂාව

• වාහනය ඇතුලත පරික්ෂාව
• ස්කෑන් කිරීම
• බෙල්ට් පරීක්ෂාව

වාහනය හොදට service කරල තියෙනව නම් අනිවාරෙන්ම වාහනය ඇතුලත හොදින් පිරිසිදුවට තියෙන්න ඕනි. ඩෑශ් බෝඩ්, සීට්, කාපට් වගේ දේවල් පිරිසිදු කිරීම මෙහිදී  සදහන් කරන්න පුලුවන්

සෙන්සර් තියෙන වාහනයක් නම්  service කරල අවසානයේ කරන්න ඕනි වැදගත් දෙයක් තමයි ස්කෑන් කිරීම. වාහනයෙ යම් කාර්මික දෝශයක් තියෙයි නම් ස්කෑන් කරල ඒක බලා ගන්න පුලුවන්. හදුනාගත්ත දෝශය නිරාකරණය කරල ඊට පස්සෙ නැවත ස්කෑන් කරාට පස්සෙ වාහනයෙන් එම දෝශය අයින් වෙලා යනව.

වාහනයක බෙල්ට් කීපයක්ම තියෙනව. මේ කියන බෙල්ට් වර්ග පාවිච්චි කරන්න පුලුවන් යම් කිසි  දුර ප්‍රමාණයක් විතරයි. එම දුර ප්‍රමාණය පාවිච්චි කරල බෙල්ට් එක අයින් කරන්න ඕනි. සාමන්‍යයෙන් වාහනයක බෙල්ට් එකක් කිලෝමීටර 50 000 ක් විතර පාවිච්චි කරන්න පුලුවන්.

 ඒ ඒ වාහනයට අදාළ කිලෝමීටර් ප්‍රමාණයෙන් නියමිත service එක සිදු කිරීමට වග බලාගන්න. කලින් සදහන් කරපු විදිහට අදාළ කොටස් පරීක්ෂා කිරීමෙන් වාහනයේ පැවත්ම බොහෝ කාලයක් රැක ගන්නට ඔයාට පුලුවන්. ඒවගේම වාහනය මග නවතින්නෙ නැතුව ඕනිම ගමනක් ගිහින් එන්න පුලුවන්.

වාහනයේ service records හරියටම ලකුණු කරගෙන ඒ records ටික පිළිවෙළකට තියාගන්නත් අමතක කරන්න එපා.

වාහනයේ ගමනක් යනකොට අපි අනිවරෙන්ම ගොඩක් හිතන දෙයක් තමයි ටයර් කියන්නෙ. හරි ප්‍රමිතියක් නැති ටයර් නිසා වගේම ටයර් වල නොයෙක් ප්‍රශ්න නිසා ගොඩක් අනතුරු සිදු වෙනව. මේ නිසා වාහන පදින ඔයාට ටයර් මාරු කරන දවස හරියටම දැනගන්න පුලුවන් වෙන්නෙ කොහොමද කියල මේ ලිපියෙන් දැනගනිමු.

ඇත්තටම වාහනයෙ ටයර් වලින් මොකද වෙන්නෙ. බැලූ බැල්මට කියන්න පුලුවන්නෙ ටයර් වලින් තමයි වාහනය ගමන් කරන්නෙ කියල. අපේ වාහනයෙ එන්ජිමෙන් නිෂ්පාදනය කරන ශක්තිය ටයර් වලින් තමයි පොලවට සම්බන්ධ වෙන්නෙ. අපි පැදගෙන යන වාහනයෙ උපරිම කාර්‍යක්ෂමතාව ලබා දෙන්නෙත් ටයර් වලින්. මේ නිසා හරිම වෙලාවට වාහනේ ටයර් මාරු කරන එක වැදගත් වෙනව. වාහනයෙ ටයර් ගෙවිල තිබුනොත් අපිට සිද්දවෙනව එක පාඩුවක් තමයි වැඩිපුර තෙල් පිච්චෙන එක. ඔයා පාවිච්චි කරන්නෙ පෙට්‍රල්  හරි ඩීසල් හරි වාහනයක් වෙන්න පුලුවන්. මේ නිසා ඔයාට ඉන්ධන වලට වැඩිපුර සල්ලි වියදම් කරන්න වෙනව. දැනට රටේ තියෙන තෙල් ප්‍රශ්න එක්ක නම් ලොකුම ගැටලුවකට මුහුණ දෙන්න වෙනව. ඒ වගේම අපේ වාහනයෙ ටයර් ගෙවිල තිබුනොත් වාහනය හරියට control කරගන්නත් බැරිවෙනව. ඒ නිසා වාහන අනතුරු වලටත් හේතුවක් විදිහට පරණ ටයර් එහෙමත් නැතිනම් ගෙවිල තියෙන ටයර් හේතුවක් වෙනව.

අපි පාවිච්චි කරන කාර්, වෑන්, ජීප් වගේ වාහන වලින් බලාපොරොත්තු වෙන දෙයක් තමයි සැපපහසුව(comfortable) කියන්නෙ. මෙහෙම ගෙවිල ගිය ටයර් නිසා වාහනයෙ සැප අඩුවෙලා වාහනයෙ සමහර කොටස් වලටත් හානි සිද්ධ වෙනව. මෙතනදි සිද්ධවෙන තවත් භයානකම දේ තමයි අපේ වාහනයෙ ටයර් ගෙවිල නම් හරියට බ්‍රේක් ගහන්නවත් බැරි වෙනව. කාපට් කරපු පාරක වේගයෙන් යනව කියල හිතමු. හදිස්සියෙ නවත්වන්න ඕනි නිසා බ්‍රේක් කලත් වාහනය නවතින්නෙ නෑ ලිස්සගෙන යනව. ඒ මොකද කිව්වොත් වාහනයෙ ටයර් වල කට්ට ගෙවිල නිසා පාරට බදා ගැනීමක් නොවෙන නිසයි. වේගයෙන් වංගුවක යනකොටත් එහෙමම සිද්ධ වෙන්න පුලුවන්. එතකොට බොහෝ දුරට වාහනය ලිස්සගෙන ගිහින් වංගුවෙන් එලියට යයි. ලංකාව කියන්නෙ විවිධ වර්ග වල දේශගුණ තියෙන රටක්. ඒ නිසා අව්ව වැස්ස වගේ ඕනිම කාලගුණයකට අපිට වාහනයෙ යනකොට මුහුණ දෙන්න වෙනව. ඉතිං ඒ වගේ ඕනිම කාලගුණයකට මුහුණ දෙන්න නම් අපේ වාහනයෙ ටයර් හොද තත්වයේ තියෙන්න ඕනි.

සමහර කෙනෙකුට හිතෙන්න පුලුවන් මගෙ වාහනයෙ ඩිස්ක් බ්‍රේක් තියෙනව, මගෙ වාහනයෙ ABS තියෙනව, sensor තියෙනව කියල වගේ දේවල්. ඇත්තටම මේක හොදින් මතක තියාගන්න ඔයාගෙ වාහනයෙ කොච්චරක් security එක තිබුනත් ගෙවිල තියෙන ටයර් පාවිච්චි කරනවනම් ඒවයෙ වටිනාකමක් නැති වෙනව. ඒක නිසා ගොඩක් වේගයෙන් වාහනය යන වෙලාවක නම් ඔයාට වාහනය පාලනය කරගන්න බැරි වෙනව.මේ මේ නිසා ලොකු අනතුරක් වුනත් වෙන්න පුලුවන්.

ටයර් එකක් ගෙවිලද කියල අපිට ලේසියෙන්ම බලාගන්න පුලුවන්.මෙහෙමයි. ටයර් එකේ කට්ට දිහා හොදට බැලුවට පස්සෙ අපිට දැනගන්න පුලුවන් ඒකෙ කොච්චර උසකට කට්ට තියෙනවද කියල. ප්‍රමාණයක් විදිහට කිව්වොත් මිලිමීටර 03කට වඩා අඩුවෙන් උසට කට්ට තියෙන ටයර් එකක් නම් ඒ ටයර් එක ගෙවිල අනිවාරෙන්ම මාරු කරන්න ඕනි. සමහර ටයර් වලට හුලං වැඩිපුර ගහල තිබුණොත් ඒ ටයර් එකේ මැද කොටස වැඩිපුර ගෙවෙනව. ඒ වගේම ටයර් එකකට අඩුවෙන් හුලං ගහල තියෙනව නම් ඉක්මනට ටයර් එකේ දෙපැත්තෙන් ගෙවෙනව. හුලං අඩුවෙන් තියෙනවනම් වාහනයෙ ටයර් වැඩිපුර පොළවට බදනව. ඒ නිසා තෙල් පිච්චෙන එකත් වැඩි වෙනව. හුලං මට්ටම හරි ගානට තියාගන්නකොට හොද සැප පහසුවට ගමන යන්නත් පුලුවන්. ටයර් එක හදන නිෂ්පාදකය ඒ ටයර් එකට ලබාදෙන්න ඕනි නියමිත හුලං ප්‍රමාණය සදහන් කරනව. සමහර වෙලාවට හුලං ප්‍රමාණය ඉක්මවල ගිහින් ටයර් එක පුපුරන්නත් පුලුවන්. මේ නිසා ටයර් එක ගෙවිලද කියල දැනුවත් වෙන එක වගේම ටයර් වල හුලං මට්ටම ගැනත් අවධානයෙන් ඉන්න ඕනි.

ටයර් ගෙවිල තියෙන විදිහ බලල වාහනයෙ තියෙන දෝශයන් පවා දැන ගන්න පුලුවන්. ඔයා හරියටම ටයර් එකේ කට්ට දිහා බැලුවොත් පෙනේවි සමහර වෙලාවට ටයර් එක තැනින් තැන ගෙවිල තියෙන්නෙ. ඒ වෙලාව ඇති වෙන්න පුලුවන් ප්‍රශ්නයක් තමයි බ්‍රේක් වල ප්‍රශ්න ඇතිවීම. බ්‍රේක් හිරවීම වගේ දේවල් වෙන්න පුලුවන්. තවත් ප්‍රශ්නයක් තමයි රෝද වල ඇණ බුරුල් වෙලා තියෙනව වෙන්නත් පුලුවන්. වාහනයේ wheel alignment එක කියන දේ හරියටම නැත්නම් ඒත් ටයර් එක හරි ආකාරව ගෙවිල නැතිවෙන්න පුලුවන්.

වාහනයක් නඩත්තු කරනකොට ටයර් වල ආරක්ෂාව වෙනුවෙන් සහ පැවැත්ම දිගු කාලයක් තියාගන්න දේවල් කීපයක් කරන්න තියෙනව. රෝද වල wheel alignment හරියටම නැත්නම් ටයර් ගෙවීම ඉක්මනට සිද්ද වෙනව. ඒ නිසා කිලෝමීටර් 5000කට වරක් වත් ඔයාගෙ වාහනයෙ wheel alignment චෙක් කරල ටයර් වල ආයු කාලය වැඩි කරගන්න පුලුවන්. සමහර අය නොදැනුවත්කමින් වාහනය ක්ෂණිකව ඇක්සලරේට් කරනව. ඒ අවස්තා වලදීත් වාහනයෙ රෝද ඉකමනට ගෙවිල යනව. වේගයෙන් යන වාහනය එකපාරටම නවත්වන්න උත්සහ කරන නිසාත් ටයර් ඉක්මනට ගෙවෙන්නට පුලුවන්. වාහනයෙ suspension වල තියෙන ප්‍රශ්න වලටත් ටයර් ඉක්මනට ගෙවෙන්න පුලුවන්. කාලගුණ තත්වය වෙනස් වෙන නිසාත් ටයර් ඉක්මනට ගෙවෙනව. එතකොට වියළී කාලගුණයක් තියෙන පාරවල යනකොට ටයර් ගෙවීම වැඩි වෙනව. සාපේක්ෂව සීතල පරිසරයේ ටයර් ගෙවීම අඩුයි.

ටයර් මිලට ගන්නකොටත් හොද තත්ව සහතික තියෙන පිළිගත් ආයතනයක ටයරයක්ම අරගන්න. ඒ වගේම ටයරයේ නිෂ්පාදිත දිනය ගැනත් වැඩි අවධානයක් දෙන්න.ලංකාවෙත් ටයර් නිෂ්පාදනය කරන ආයතන කීපයක් තියෙනව. මේ ආයතන වලින් ලංකාවෙ ටයර් අවශ්‍යතාව සම්පූර්ණ කරනව වගේම පිටරට වලටත් අපනයනය කරනව. දැනට ගෙවුණ ටයර් වාහනයට දාල පාවිච්චි කරන එක නීතිමය විදිහට වැරැද්දක්. ඒ නිසා මෙහෙම ගෙවිල තියෙන ටයර් වාහනයට දාල යනකොට පොලීසියෙන් දඩයක් ගහන්න වුනත් පුලුවන්.

කොහොම උනත් හැම කෙනෙක්ගේ ම ආරක්ශාව වෙනුවෙන් හොද තත්වයේ ටයර් ම පාවිච්චි කරමු. පරිස්සමෙන් වාහන පදිමු.

මේ වෙලාවේ වාහන තෙයෙන ඔබටත් මටත් තියෙන ලොකුම ගැටලුව තමයි තෙල් ප්‍රශ්නය. තෙල් ප්‍රශ්නෙට විසදුමක් විදියට ගොඩක් අය විවිද දේවල් වලට දැන් යොමුවෙනව.(තෙල් ප්‍රශ්නෙට විසදුමක් හැටියට තෙල් පෝලිම්වල ඉන්න අය දැන් වැඩි මිලටහරි කලු කඩ වලින් තෙල් ගහන්න හොයනව). ඒත් අපිට තියෙන ප්‍රශ්නය තමයි, මේවට මොනවහරි කලවම් කරලද කියල හොයන එක. ඉතිං අද අපි ඔයලට මේ වැදගත් ලිපියෙන් කියන්න හදන්නෙ කොහොමද කලවම් කරපු ඩීසල් සරල ක්‍රමයකින් හොයාගන්නෙ කියල වගේම ඩීසල් වල තත්වය බාල කරන්න මොනවද එකතු කරන්නෙ කියල. වහනයක් පදින කෙනෙක් නම් මේ දවස් වල බාල ඩීසල් නිසා අනිවාරෙන්ම ප්‍රශ්න වලට මුහුන දීල ඇති. ඒ නිසාමයි අද අපි ඔයාලට මේ ලිපිය ලියන්නට යොමු උනේ. ඔයා ආදරයෙන් පරිස්සම් කර ගන්න ඔයගෙ වාහනය ගොඩක් කල් රැකගන්නට මේ තුලින් ලොකු බලපෑමක් ලැබේවි.

කූට වෙළදුන් හරහා මේ වෙනකොට තෙල් මෆියවක් සිදුවෙනව. ඒ නිසා වාහන තියෙන අය ගොඩක් මේ කූට වෙළදුන්ට රැවටිලා අමරුවෙ වැටෙනව. ඔයා බුද්ධිමත් පාරිභෝගිකයෙක් හැටියට වැඩ කරන්න ඕනි කොහොමද කියල අපි බලමු.

ඔයා තෙල් ගහන්න යනකොට අනිවාරෙන්ම රජයේ ලියපදිංචි කරපු සෙඩ් එකකටම යන්න. ඒත් අද වෙද්දි සෙඩ් එකෙන් ගහන ඩීසල් වලත් ගැටලු තියෙනව. අතරමැදි වෙළෙන්දෙකුගෙන් ඔයා ඩීසල් ගන්නවනම් ඒ ඩීසල් 99%ක්ම තත්වය බාල වෙන්න තියෙන ඉඩකඩ වැඩියි. ඒ ඇයි කිව්වොත් එයාල හරියට තෙල් ටික ගබඩා කරල තියන්නෙවත් නෑ. තවත් කිව්වොත් සෙඩ් එකෙන් තෙල් අරගෙන දාල තියෙන බූලි වලට වතුර එකතුවෙන්න පුලුවන්. ඒ බැරල් වල රොඩු, දූවිලි තිබිල ඒවත් ඩීසල් එක්කම කලවම් වෙන්න පුලුවන්. තෙල් බූලිය හරියට වහල කරල තිබ්බෙ නැත්නම් තෙල් වල තියෙන වාශ්පශීලී දේවල් අයින්වෙලා යන්නත් පුලුවන්. ඉතිං මේ දේවල් සිද්දවෙන්නෙ එයාලගෙ අතින් හිතාමතාම නොවෙන්නත් පුලුවන්. එතනින් එහාට ගියාම ඩීසල් ජාවාරම් කාරයො වැඩිපුර ලාබ ගන්න කියල ගොඩක් දේවල් කලවම් කරනව. අපි ඉස්සරහට කතා කරගෙන යමු ඒ මොනවද කියල.

සුවදෙ වෙනසක් සිද්ද වෙනව. එහෙම භූමිතෙල් එකතු කරපු ඩීසල් වල අනිවාරෙන්ම භූමිතෙල් සුවදක් එනව. මෙතනදී ඔබ දක්ෂ වෙන්න ඕනි මේ භූමිතෙල් සුවද හොයාගන්න.

ඩීසල් වලට භූමිතෙල් කලවම් කරලද කියල බලාගන්න පුලුවන් අනිත් ක්‍රමය තමයි මතුපිට පාට බලන ක්‍රමය. සාමන්‍ය ඩීසල් වල තියෙන ලා-දුබුරු පාට එක්ක භූමිතෙල් වල තියෙන රතු-රෝස පාට කලවම් උනාට පස්සෙ ටිකක් තද පාට පාටක් තමයි ඇතිවෙන්නෙ. ඔබ නිතරම ඩීසල් එක්ක වැඩ කරන කෙනෙක් නම් ඔයාට පුලුවන් මේ වර්න ව්පර්‍යාස වෙනස ගොඩක් ලේසියෙන්ම බලාගන්න. ඒකට කරන්න ඕනි වෙන්නෙ විනිවිද පෙනෙන භාජනයකට ඩීසල් සාම්පලය දාලා හොදින් පාට ගැන අවදානය යොමු කරීමයි.

මාෆියකරයන්ගෙ ඩීසල් ජාවාරමේදි ඩීසල් ඒක්ක කලවම් කරන තවත් දෙයක් තියෙනව. ඒ වෙන මොකුත් දෙයක් නෙවෙයි පේන්ටින් වැඩ වලට ගන්න තිනර්. හාඩ්වෙයාර් කඩ වලින් ලේසියෙන්ම ගන්න පුලුවන් දෙයක් තමයි තිනර් කියන්නෙ. ඉතිං මේ තිනර් ලේසියෙන් ම මිලදී ගන්නත් පුලුවන් හොද වාශ්පශීලී දේකුත් නිසා ඩීසල් බාල කරන්න කූට වෙලෙන්දො යොදා ගන්නව. එහෙමනම් අපිට ගොඩක් වටිනව නේද මේ ආකරයට තිනර් කලවම් කරපු ඩීසල් හොයාගන්න එක. මීලගට අපි කතා කරමු ඒ ගැන.    

මේ තිනර් පරීක්ෂාව ඔබට ක්‍රම කීපයකට කර ගන්න පුලුවන්. තිනර් වල සුවද ඔබ හොදින් දන්නව ඇති කියල මම හිතනව. ඉතිං ඩීසල් එක්ක තිනර් එකතු කලත් තිනර් සුවද දැනෙනව ඩීසල් වලින්. මොකද කියනව නම් මෙය පහසුවෙන්ම බලාගන්න පුලුවන් තිනර් වල අඩික වාෂ්පශීලී බව නිසාම. සමහර වෙලවට අපිට ඩීසල් සමග තිනර් සහ එන්ජින් ඔයිල් කලවම් කරපු අවස්තාත් හමුවෙලා තියෙනව. ඒත් කලින් කියපු විදිහට හොදට සුවද බැලුවම පස්සෙ අපිට තිනර් කලවම් කරපු ඩීසල් ලේසියෙන්ම හොයගන්න පුලුවන්.

මොන විදියකින් හරි තත්වය බාල කරපු ඩීසල්, ජාවරම් කාරයන්ගෙ ඩීසල් මිලට ගන්නට නම් යන්න එපා.මොකද ඔයා හොදටම දන්නව මෙහෙම බාල කරපු ඩීසල් දැම්මොත් වහනයට මොකද වෙන්නෙ කියල. අනිත් අතට ඔයත් කිසිම වෙලවක තත්වය බාල කරපු ඩීසල් නම් තව කෙකෙක්ට දෙන්න එපා. අපි අපේ වාහනයට ආදරය කරන තරමටම අනිත් කෙනත් එයාගෙ වහනයට ආදරය කරනව. ඔබේ වාහනය හොදට ක්‍රියාකාරී තත්වයෙන් පවත්වා ගන්න ඕනි නම් කලින් සදහන් කල දේවල් සමග කලවම් කල උසස් තත්වයේ ඩීසල් ම ඔබේ වහනයට දාන්න.

හොදයි එහෙම නම් මේ කියපු කරුනු හොදින් මතක තියාගෙන ඉන්න අතරම අප්ගේ මීලග ලිපිය සමග එකතු වෙමු.මීලග ලිපියෙන් අපි දැන ගනිමු ප්‍රමිතියෙන් තොර බාල පෙට්‍රල් හදුනා ගන්නටත් එවයෙන් ඔබට සිදුවෙන හානිය ගැනත්.