මේ වෙනකොට හැම ගෙදරකම වගේ මොකක් ම හරි වාහනයක් තියෙනව. ඒක නිසා පෙට්රල් කියන්නෙ ගෙදරකට අනිවරෙන්ම අත්යවශ්ය දෙයක්. මේ දවස් වල රටේ තියෙන පෙට්රල් හිගයත් එක්ක ගොඩක් අය යොමුවෙන දෙයක් තමයි කලුකඩ කාරයින්ගෙන් පෙට්රල් මිලට ගන්න එක. මේක ඇත්තටම කිව්වොත් පෙට්රල් වාහන වලට ගොඩක් නරක විදිහට බලපාන දෙයක්. ඒත් එක්කම පෙට්රල් වලට විවිධ දේවල් කලවම් කරල සමහරු විකුණනව. ඉතිං ගොඩදෙනෙක් මේ වගේ කලුකඩ වලින් පෙට්රල් මිලට අරගෙන අමාරුවෙ වැටෙන නිසා අපි තීරණය කළා බාල පෙට්රල් අදුනගන්න හැටි වගේම බාල පෙට්රල් වාහනයට දැම්ම්ට පස්සෙ මොකද වෙන්නෙ කියලත් ඔයාල එක්ක මේ ලිපියෙන් කතා කරන්න.
ත්රීවීලර්,බයික්,කාර් වගේම තවත් ගොඩක් උපකරණ වලටත් පෙට්රල් පාවිච්චි කරනව. දැන් වෙනකොට මිනිස්සු ගොඩක් කාර්ය බහුල වෙලා තියෙන නිසා පෙට්රල් වාහනය කියනදේ අපේ ජීවිත වලට ගොඩක්ම කිට්ටු වෙලා. ඒකෙ වටිනම දේ තමයි අපිට අපිට මොකක්ම හරි වුවමනාවක් වුන ගමන්ම අපිට ඕනි තැනකට හිතේ හැටියට ගිහින් එන්න පුලුවන් වෙන එක. ඒත් අද වෙද්දි ගෙදර තියෙන්න ඕනි වාහන ගොඩක් තියෙන්නෙ සෙඩ් වල තෙල් පෝලිමට දාල. ගෙදරට ඕනි බඩු ටික ගන්න යන්න, බෙහෙත් ටික ගන්න යන්න වගේ ගොඩක් දේවල් වලට උවමනා වූ ඔයාගෙ පුංචි වාහනයත් ඇත්තෙ සමහර විට මේ වෙනකොට තෙල් පෝලිමේ. ඒ නිසා කලුකඩ කාරයින්ගේ තෙල් ජාවාරම මේ වෙනකොට බොහොම සරුවට කෙරීගෙන යනව. ඩීසල්,භූමිතෙල් වලට වඩා වැඩිපුර වාෂ්පවෙන බවක් මේ පෙට්රල් වලට තියෙනව. ඒක නිසා පෙට්රල් වල තියෙන වාෂ්ප ගතිය අඩු වුනොත් එහෙම අපිට හරියට පිකප් එකක් ගහන්න අමාරුයි. ඒ වගේම තෙල් පිච්චෙන එකත් වැඩිවෙනව. මේක වෙන්නෙ මොන වෙලාවට ද?. අපි පරණ පෙට්රල් කියල කතා කරන්නෙ මේකට තමයි. එක එක තැන් වල බූලි වල ගබඩා කරල වාෂ්ප වෙලා(රැස් ගිය) ගිය පෙට්රල් පවිච්චි කලොත් නම් මේ සිද්දියට අනිවාරෙන්ම මුහුණ දෙන්න සිද්ද වෙනව. පෙට්රල් සමග ගනුදෙනු කරනකොට අපි අනිවාරෙන්ම පෙට්රල් බූලි හොදින් වැහෙන විදිහටම වහල තියන්න ඕනි. නැත්නම් පෙට්රල් බූලියක් ගෙදර තියන් ඉන්නව කියන්නෙත් මරණයට අත වැනීමක්. ඒ මොකද කියනව නම් පෙට්රල් වෂ්පය තියෙන තැනකකට පොඩි ස්පාර්ක් එකක් ලැබුන ගමන් ගිනි ගන්න පටන් ගනන්ව. මේකට අපි හිතනව වගේ ලොකු ස්පාර්ක් එකක් ඇතිවෙන්න ඕනි නෑ. පෙට්රල් බූලිය තියෙන කාමරේ ලයිට් එක දාන්න ස්විච් එක දැම්මත් මේ වගේ ස්පාර්ක් එකක් ඇතිවෙන්න පුලුවන්. ඒ නිසා අපි හිතනවට වඩා මේ පෙට්රල් සෙල්ලම අමරුයි.
මේ ලිපියෙ මුලින් කියපු විදිහට පෙට්රල් බාල කරල විකුණන අයියලත් ඉන්නව. මෙහෙම පෙට්රල් බාල කරන්න එකතු කරන එක දෙයක් තමයි තිනර් කියන්නෙ. ඒ කියන්නෙ පේන්ටින් වැඩ වලට ගන්න තිනර්. හාඩ්වෙයාර් වලින් ලේසියෙන්ම මිලදී ගන්න පුලුවන්. මේ තිනර් පෙට්රල් වලටත් වඩා වාෂ්පවෙන ගතිය වැඩියි. එක එක අය විවිධ අනුපත වලට කලවම් කලවම් කරල තමයි මෙහෙම විකුණන්නෙ. සමහර අය මේවට 2T කියන ඔයිල් වර්ගයත් කලවම් කරල දෙනව. දැන් අපිට තියෙන ප්රශ්නය තමයි කොහොමද මේ තිනර් කලවම් කරපු පෙට්රල් හදුනගන්නෙ කියන එක. පෙට්රල් වලට වඩා තිනර් හොදට වාෂ්ප වෙන නිසාම අපිට පෙට්රල් සාම්පලයක සුවද බලපු ගමන්ම කියන්න පුලුවන් තිනර් කලවම් කරලද කියල. එහෙම නම් ඔයා දැනගෙන ඉන්න ඕනි තිනර් වල සුවද. මේ වෙනකොට ඔයා හොදටම දන්නවා ඇති තිනර් වල සුවද.
හරි එහෙම නම් ඔයා දැන් දන්නව තිනර් කලවම් කරපු පෙට්රල් හොයගන්න ක්රමය. මේ විදිහටම පෙට්රල් බාල කරන්න කලවම් කරන්න ගන්න අනිත් දේ තමයි භූමිතෙල් කියන්නෙ. භූමිතෙල් වාෂ්පවෙන්නෙ නම් බොහොම අඩුවෙන්. ඒත් කලුකඩ කාරයො දැන් භූමිතෙල් කලවම් කරල පෙට්රල් විකුණනව. මේ වෙලාවෙදි අපිට හොයාගන්න පුලුවන් ක්රම 2ක් තියෙනව. එක ක්රමයක් තමයි පෙට්රල් සම්පලයක් අරගෙන සුවද පරික්ෂා කිරීම. භූමිතෙල් කලවම් කරල තියෙනවනම් අනිවාරෙන්ම ඒකෙන් භූමිතෙල් සුවදක් හමනව. ඉතිං මේ විදිහට සුවද බැලුවොත් අනිවාරෙන්නම භූමිතෙල් කලවම් කරලද කියල දැනගන්න පුලුවන්.
භූමිතෙල් කලවම් ද කියල බලන්න පුලුවන් අනිත් ක්රමය වෙන්නේ මතුපිට පාටෙන් වෙනසක් තියෙයිද කියල බලන ක්රමය. මේ ක්රමයට හොයාගන්න නම් පෙට්රල් වල පාට ඔයාට ගොඩක් හුරු වෙන්න ඕනි. පෙට්රල් වල තියෙන කහ පාට එක්ක භූමිතෙල් වල රතු-රෝස පාට කලවම් වෙලා තරමක තද කහ පාටක් ඇතිවෙනව.මේ සිද්දිය බලා ගන්න එක නම් ඔයාගෙ දක්ශතාවය සහ හැකියාව මත තීරණය වෙනව. ඉතිං විනිවිද පෙනෙන භාජනයක් අරගෙන ඔයාට ඉක්මනටම ලේසියෙන් මේ වැඩේ කරගන්න පුලුවන්. ඒවගේම ඔයා මෙහෙම පෙට්රල් මිලදී ගන්නව නම් අනිවාරෙන්ම විනිවිද පේන බූලියක්ම අරගෙන යන්න පුරුදු වෙන්න.
තිනර් සභ භූමිතෙල් කලවම් කරපු පෙට්රල් වාහනයට දැම්මොත් නම් කාලයක් යනකොට ගොඩක් කරදර වලට මුහුණ දෙන්න වෙනව. එතනදි කාර් වගේ වටිනාකම ගොඩක් වැඩි වාහන වලට නම් මෙහෙම පෙට්රල් දාන්න හිතන්නවත් එපා. එහෙම කලොත් අන්තිමට ලොකු වියදමක් දීල වාහනය වාහනය රෙපයාර් කරන්න වෙනව. තිනර් ගත්තහම කොහොමත් රබර් වගේ දේවල් එක්ක ප්රතික්රියා කරනව. එතකොට අපේ වාහනයේ පෙට්රල් ගමන් කරන බට වගේ දේවල් කොහොමත් සවුත්තු වෙනව. පෙට්රල් ත්රීවීලර් බයික් වල තියෙන කාබියුරේටයත් තිනර් කලවම් කරපු පෙට්රල් නිසාම විනාස වෙනව. ඒ වගේම කාර් වෑන් වල තියෙන EFI කියන කොටසත් තිනර් නිසා හානි වෙන්න පුලුවන්. එතනින් එහාට ගියාම එන්ජිමට හානි කරන්නත් තිනර් සහ භූමිතෙල් හේතුවක් වෙනව. සමහර විට ඉක්මනට ස්පාර්ක් ප්ලග් මාරු කරන්නත් වෙයි. ඒ වගේම එන්ජිමේ බෝර් එක ඉක්මනින් ගෙවිල යන්න වගේ දේවල් වෙන්නත් පුලුවන්. භූමිතෙල් කියන්නෙ පෙට්රල් එන්ජිමක දහනය වෙන දෙයක් නෙමෙයි. මේ නිසා එන්ජිමේ කාබන් හිරවෙලා සයිලන්සර් බට වගේ ඒවත් හිර වෙන්න පුලුවන්. ඒ නිසා දැන් ඔයාට පුලුවන් කලුකඩ වලින් පෙට්රල් මිලට ගත්තත් රැවටෙන්නෙ නැතුව ඉන්න. එහෙමනම් කලින් කියපු දේවල් හොදට මතක තියාගෙන අවබෝධයෙන් වැඩ කරල අපි ඉස්සරහට යමු. තිනර් භූමිතෙල් වගේ දේවල් ආයෙත් වාහනයට නොදා ඉන්නව වගේම අනිත් අය එක්කත් අපි මේ දැනගත් දේවල් බෙදාගමු.
Search
